Wat is die ware Malema-agenda agter die bedrieglike politieke masker van dubbelpratery - oor sy planne om myne en banke te nasionaliseer en grondonteiening - wanneer hy aan sakelui van groot internasionale maatskappye belowe; "Moenie vrees nie, ons sal met julle saamwerk"? (DB,04.03). Is dit dieselfde persoon wie se EFF-baniere lui: "Honeymoon is over for white people in South Africa", en: "A revolutionary must become a cold killing machine motivated by pure hate"?
Al het Malema en sy EFF oënskynlik teen Zuma en die ANC gedraai, is dié twee partye eintlik maar net die keerkante van dieselfde muntstuk. Beide partye is voorstanders van geweld. Tydens die onlangse DA-optog na Luthuli-huis vertoon 'n ANC-plakkaat die volgende bewoording: "Don't go there. You will poke the beast and then it will bite you" (DB,13.02). Een van dié "beast"-ondersteuners se uitroep was: "Ek soek Zille se bloed!"
Dit ontbreek die Marxisties-Leninisties georiënteerde ANC en EFF nie aan bloeddorstigheid om hul verkiesingskampanjes ook met intimiderende doodsdreigemente te voer nie. Voeg daarby ook die politieke moorde waaroor die media byna met reëlmaat berig. Hoewel deursigtig, maak Malema se onvoorspelbare dubbelpratery - treffend uitgebeeld deur Fred Mouton se spotprent (DB,05.03) - van hom 'n baie gevaarlike persoon. Dieselfde geld ook tot 'n groot mate die regerende ANC se willekeurige vertolking en hantering van die grondwet.
Kyk ons noordwaarts op in Afrika, kom jy tot die gevolgtrekking dat die voering van Afrika-politiek deur geweld en bloedvloeiing gekenmerk word. As deel van Afrika, is S.A. dan ook geen uitsondering nie.
"Rule by fear - dis deel van "the rule of the jungle, the survival of the fittest" - hulle ken geen ander manier nie, Tommie.
ReplyDelete