In Beeld (18.01) is berig dat "betrekkinge tussen die Gereformeerde Kerke in Suid-Afrika (GKSA) en die NG Kerk een van die ergste laagtepunte sedert...1859 bereik (het)...nadat die GKSA...'n voorgestelde samewerkingsooreenkoms tussen dié twee kerke afgekeur het."
Dr.Kobus Gerber, algemene sekretaris van die NG Kerk, het gesê "hy het uit die vergadering gehoor daar was vrese dat leerstellige dwalings uit die NG Kerk die GKSA kan binnesluip." Volgens Gerber is dié besluit "'n klap in die gesig" van die NG Kerk.
Vanselfsprekend sal die NG Kerk dié aanklag ontken, dog dr.Henrietta Klaasing, lidmaat van die NG Kerk, sê die volgende op Kerkbode-aanlyn: "Die Gereformeerde Kerk moet geloof word vir die sterk standpunt teen dwaalleer. In die NG Kerk is daar oor die afgelope jare kommentaar gelewer...oor dwaalleer in die NG Kerk. Selfs boeke is (daaroor) geskryf (asook) 'n hele reeks DVD's gemaak oor Nuwe strominge in die teologie. Ten minste 'hoor' mense in die Gereformeerde Kerk...die dwaalleer-waarskuwings" waarop NG Kerkleiers nié ag slaan nie, ten spyte van - en ironies genoeg - hul sogenaamde "Seisoen van luister".
In aansluiting hierby wys ds.Slabbert le Cornu, GKSA-predikant, in "Pro Regno" (09.01) op kenmerke van die SARK waarvan die NG Kerk 'n lid is en dr.Kobus Gerber in die bestuur daarvan dien. Le Cornu sê van die SARK: "Dit is 'n valse verdraaide evangelie wat die SARK aanhang...'n bevrydingsteologie (en) niks anders as die ANC in gebed nie...intergeloof georiënteerd, en hoe meer jy 'saamwerk' met ander gelowe...hoe meer neem jy hul standpunte in (en) waar in die Skrif sien ons profete, apostels, Israel/die vroeë kerk met valse godsdienste saamwerk?"
Die GKSA blyk wakkerder ingestel te wees teen leerstellige dwaling as sy susterskerk, die NG Kerk. (ngn)
Ek stem as NG-Kerk lidmaat saam. Die NGSA het die regte besluit geneem, want die NGK is daadwerklik besig om links te beweeg en liberalisties te word, veral met en na die laaste Alg. Sinode in Okt 2012. Die deur is daar finaal oopgemaak vir 'n relatiwiteits-teologie wat destruktief "die geloof wat oorgedra is deur die heiliges (saints)van ouds", te ondermyn. Die Skrif roep ons op om "die geeste te toets of hulle uit God is". Die GKSA sou, deur nader te beweeg aan die NGK, nouer bande smee met 'n kerk wat op pad is om vals kerk te word. Kerklik gesproke is dit onmoontlik om dit te doen en Jesus Christus te eer. Die NGK is goed om pad om homoseks goed te praat, die duiwel bestaan wel - maar dis OK om te glo hy bestaan nie (eierdans, maar nie waarheid nie), evolusie-dwaling is 'n aanvaarde ideologie in die NGK (dwaasheid!), en die NG-kweekskole is teologies sterk gekorrupteer. As Christen is my advies aan enige kerk van Christus: bly weg!
ReplyDelete