Maar júlle, wie, sê júlle, is Ek?

Twee berigte in "Die Burger" (14.03), "Islamitiese sentrum kwaad oor onttrekking van advertensies", en "Red Bull gee talle klaers vlerke", herinner my aan Jesus se vraag aan Sy dissipels: "Wie, sê die mense, is die Seun van die mens?" (Mat.16:13). Die "Islam Awareness Centre" beantwoord hierdie vraag in sy advertensie op tien busse van die Algoa-busmaatskappy soos volg: "Jesus (is) a prophet of Islam". Die Red Bull-advertensie sê Jesus is 'n bedrieër (Hy loop op versteekte klippe onder die water) en maak van kragwoorde gebruik.

In, "We'll mock Jesus but not Mohammed, says BBC boss", soos gerapporteer deur "The Christian Institute", sê Mark Thompson, direkteur-generaal van die BBC : "...the BBC...would never mock Mohammed like it mocks Jesus...Jesus is fair game...". Vir die BBC is Jesus iemand bespotlik.

Hoe beantwoord sommige van ons eie teoloë, wat toekomstige predikante oplei, Jesus se vraag? In sy boek, "Fatherless in Galilee", sê prof. Andries van Aarde dat Maria 'n hoer was by wie 'n Romeinse soldaat Jesus verwek het   -   Jesus is dus 'n buite-egtelik gebore "mens". Prof. Sakkie Spangenberg sê elkeen van ons kan ons eie "Jesusverhaal" konstrueer. Hy sê : "...Afrika Christene kan...van Jesus die Voorvader maak. Why not?".

Jesus se opvolgvraag aan Sy dissipels was : "Maar júlle, wie, sê júlle, is Ek?" (Mat.16:15). Hoe beantwoord ons, wat ons as Sy dissipels beskou, hierdie vraag vandag?                 (ngn)